【再讀鄧小閑】筆者投身股海其中一位啟蒙雅虎網誌博客 (Yahoo Blogger - Banking_Mind) ...... ! - 小兒科．Parenting

【再讀鄧小閑】筆者投身股海其中一位啟蒙雅虎網誌博客 (Yahoo Blogger - Banking_Mind) ...... !

13/11/2021

筆者股齡接近20年，開始學習投資時可說是一竅不通，恰好當時網誌開始興起，很多投資者 (例如市場先生,鄧小閑,YC,火燎森,會計仔,hiking等)紛紛開設網誌，記錄自己的投資心路歷程和感悟。鄧小閑開設的雅虎網誌 (鄧小閑 - Blog : http://hk.myblog.yahoo.com/banking_mind) 是筆者經常會閱覽的網誌 (當然，雅虎網誌現已消失於網絡世界)，汲取經驗。初期，筆者初期還誤會了鄧小閑的性別，單單從網誌"鄧小閑"去推敲，筆者以為是一位女性博客，現時想起，仍感到滴汗。

鄧小閑其後在網誌中亦有對此作出透露，表示 :

鄧小閑是一個筆名，聽聞古時女子選夫有五條件：潘、驢、鄧、小、閑

1. 潘是指潘安之貌，
2. 驢是驢子，有驚人耐力；
3. 鄧是鄧通，古時財人，不單富有，更樂於花費；
4. 小是細心，心細如塵；
5. 閑即清閒也，有時間相伴愛妻。

取名鄧小閑是提醒自己要小心行事，擁有自己時間及懂得花費。此外林行止的作品曾提及英國雜誌Man in the town，林先生譯作鄧小閑，頗為有趣，令小弟留有深刻印象。

雖然鄧小閑已沒有再分享其投資心得，筆者仍然感恩在投身股海前期，拜讀了他很多的文章 (現時仍會重溫)，獲益良多，感激 ...... !

註 :

再讀鄧小閑當中的引文內容及文字，著作權全屬網誌作者 - 鄧小閑所有，純粹分享投資界前輩的經驗，以增進筆者及網友的投資知識。
筆者會因應文章內容，從網絡找尋相關圖片加入，使文章更添趣味。
括號內的英文字為筆者所加，避免網址變成怪獸符號。

9 評論

【引自閒廢食息磚家--味皇】 link

15/12/2020 17:40:47

老屎忽講下價值投資BLOG的歷史 2019-01-28 13:25:39

味皇也成了老人了,當年開始寫BLOG的時候還是初心者,現家已經變成魔導士(物理)了,過多3年變大魔導士添,離甘道夫之路不遠,十幾年歷史了,寫投資BLOG的人應該不少,自己只自價值投資方面的,技術分析方面的BLOG味皇冇睇唔清楚,但估計技術分析的BLOG肯定是曇花一現的,技術分析能贏得一時,唔贏得一世,這類BLOG一定短命,味皇自認算是價值投資方面二代的BLOG

回覆

續1

15/12/2020 17:41:29

初代的BLOG,味皇認為有--市場先生,鄧小閑,YC,火燎森,會計仔,hiking

初代算係味皇開始寫BLOG之前,已經寫左好幾年的,世紀未開始寫的,07年YAHOO執左之後開始唔寫,痕跡基本要到考古的的級數的,反正你已經大多找不到其文章,非常可惜,佢地開始寫的時候已經叔叔地了,十幾年後現家應該唔少白頭髮,同90後蛋蛋後無緣的世代,其中鄧小閑同YC,味皇覺得佢地非常有sense,就是有個人風格,要形容就是用弓箭手同法師近戰痛毆別人又能取勝,反常識開創新世界的感覺,現家已經冇呢類BLOG,味皇稍為寫一下個人感覺等現家的人知道下

市場先生,開始寫的時候年紀應該有咁上下的高收入人士,現家應該已經左上岸仔大女大,對金融類股份相當著迷,標準的香港人感覺,佢主要會買佢覺得好的出名的大型股,學佢的風格唔會偏離港人的價值觀,人類會容易接受,初代BLOG中最長壽的,雖然現家已經冇點寫

回覆

續2

15/12/2020 17:42:48

鄧小閑,令你懷疑人生的孖展養股,主要方式係用孖展貸款渣長倉,賺取孖展同股息之間的息差,得唔得,你接唔接受到一件事,佢係獨自一套的戰法,能用的人自然能用,不能的人一定用唔到,實際上佢運用的原理係利用孖展低息,還息唔還本,無限期,這三個特性,用貸款買入收息股套息,例如孖展月息500,套息月收入1000,每月債務比率會下降500,只要唔斬倉,時間越長越安全,股價上升或派息上升,會有額外收益,股價下跌,只要唔斬倉拖時間債務最終也會消除,咁股價大跌會唔會斬倉啊?會,咁貸款加息會唔會冇錢賺呀?會,咁股息減會唔會蝕錢啊?會,只有在不斬倉,有水位的情況下,這方法先可以持續,用法師去劈友一定會伴隨著不尋常的風險,人們總會想到比人反擊,比人夾殺...

回覆

續3

15/12/2020 17:43:11

不陷入這種狀態就好了,非常簡單的答案,會陷入這種狀態是你冇本事,有辦法的人就自然可以解避免這種狀況,例如玩FPS射擊GAME,最怕比人篤背脊,比人埋伏,大部分人的對應方法都是步步為營,但味皇自已的對應方法是沖,你和後面的人用同樣速度前進,就永遠不會比人篤背脊,你沖得快受到埋伏,你在意料之中的前提下對埋伏位的人更快開槍就得,猜中埋伏位置50%機率,大多能先殺,猜不中50%機率,你反應夠快人地夠唔準,可以低概率回馬槍反殺,總合起黎味皇搞得掂的慨率絕對在60%以上,沖得快的傻仔比人更快正面交鋒,但係你小心地遇敵,同迅速地遇敵,你死佢死也是一樣概率,味皇打法令遇敵機會高人地好幾倍所以經驗豐富,基本能比人更快開槍兼又打得中的味皇覺得沖是一個有效的解決手法,反正打機輸左又唔會冇忽肉,雖然實際真人快打就會變怕死,回到鄧小閑的戰法,味皇能HOLD得住嗎?我覺得可以,地球也有其他人可以,反正最終都是選對股就得,好了,新世界已經隨YAHOO陸沉,你已找不到文章

回覆

續4

15/12/2020 17:43:50

YC,食左政府肥雞餐,用隻雞買樓放租,加按再買樓,一開二,二開四,開到十幾間,間間都正現金流,已經上岸好很耐,這樣做的人也許很多,至少後來很多,但YC是把這東西寫出黎的第一人,現家應該係深圳享福,已經冇寫

火燎森,老老實實,味皇是受佢啟蒙而開始寫BLOG的,買股票出文記低佢係增加經驗值的,買股票出文記低佢係可以出書的,買股票出文記低佢係可以搵食的,初期佢開口埋口都寫老巴的道理,自然也算是價值投資向的BLOG,但後來佢發左開始寫自己,開始教人,開始商業化,發現佢本質相對於普世價值,更接近於香港人的核心價值(搵食啫,犯法呀?),內容也變成價值(佣金)投資BLOG,香港人唔會嫌棄神童輝,只會嫌棄冇錢的,味皇完全不認同佢,直頭話反對佢都得,但認同火燎森在BLOG界的貢獻的確很大,佢已經冇寫--免費的

會計仔,味皇知道佢的BLOG,但冇睇,因為同味皇的風格差很遠,而且內容看起來很復雜難明

hiking,相對比較少人睇,作為投資BLOG,也許是行山BLOG更為人所知,主要是投資風格同味皇一致所以有睇開,基本上買大眾不知名的折讓股,已經冇寫

回覆

續5

15/12/2020 17:44:16

二代的BLOG-湯財,止凡,隨笈,味皇,藍兵,財叔,偉哥,其他

二代算是在YAHOO執之前幾年加入BLOG,煩過YAHOO執粒的人,現家介於想寫同唔寫之間,如果由寫BLOG時起步,在這十幾年間上岸同接近上岸的故事,有人開班有人寫書,反正味皇最霉,也只有味皇不是香港人,當時還有唔少其他BLOG加入,算是BLOG界的光輝歲月好了,但普遍都短命

湯財,唔知佢童年有乜陰影,係咁追住老千股黎殺,如果有邊個對老千股的認識認第二,佢絕對可以應第一(如果有人認第二,正是在下),佢冇好有系統咁寫股票分析,主要是一心二用時,好難全面兼顧兩種內容,佢心力唔係集中係寫股票投資,所以算是對老千專用武器,老千股背後的人脈,之後準備做乜都應該知道,現家佢有其他實業野搞,網上已冇點寫

回覆

續6

15/12/2020 17:45:15

止凡,非常長壽同活躍的BLOG,雖然味皇冇睇開,但對佢也相當專重,活躍很容易,長壽很難,佢的內容大概就是普通人都能看能學能模仿的心靈雞湯風格,學佢的東西唔一定會變很總明,但一定不會變蠢,內容大眾化誰也可以看得懂,而且還要有用,人已經商業化了,但仲肯寫有內容的免費BLOG

隨笈,味皇冇睇,知佢寫左好耐,現家應該冇寫

味奸,06年開始投資15年上岸,高峰時曾經離出書同上節目非常接近,不過已經推曬,現在就是個沒有影響力沒人記得塊面馬賽克的魔法師,BLOG內容比較精華的部份大概在08比福建股陷害-16退休上岸之間,最近已經富奸化,冇梗了,味皇選股風格同性格反人類,正常人模仿唔到,買埋曬D冇成交的股票,看起來就像只買垃圾債的白痴一樣,佢唔安全的時候主要用格拉罕的選債券方法用黎選股,後來有D基礎時加入現金流投資,有餘力時再加入趣味性的選股,比福建股陰左一次之後,現家大概可以知道邊一隻股係老千底,打算用乜野方式黎昆水,邊一隻未上市的新股上市後要停牌除牌抽水,班功能組別係服務於邊個幫派,都是些賺不到錢就冇人想知的防禦技術,進攻技術嘛,資產配置,同埋能夠稍為準確的予測哪些股票準備增加派息

回覆

續7

15/12/2020 17:45:50

唔係我話法,在味奸寫BLOG之前,收息方向的投資BLOG從來都不是主流,味奸上岸後收息流的才開始多起來,至於味皇的投資組合,點解一隻金融股都冇咁反人類,是咁的,味皇以前也有買呢類股賺到錢,但08年看過中信銀行的年報後,覺得內容完全不足採信,所以從此就不再沾手金融股,現家年紀大左腦退化,冇以前咁有梗,錯字又多,標點同分段又求其,人格又反社會少回應,現家已經冇乜人睇

藍兵,看起來只寫業績報告,業績報告的內部很有用,但很少寫風格性技巧性的東西,現在冇寫,藍冰不知是不是同一人

財叔,好似仲有一個BLOG唔記得叫乜,都係買樓,劏,加按再買咁重復之類,窮爸爸富爸爸方法的實際運用成功例子

偉哥,佢早期的投資風格同味皇是相當類似的,味皇睇佢學到野,後來有段時間冇寫,復出之後變左個人咁風格完全唔同,現家成日炒私有化同套戥,現家冇睇

回覆

續8

15/12/2020 17:46:22

三代的BLOG,未煩過YAHOO執粒直接入GOOGLE的當係3代好了,巴黎,鍾記,其他(味皇這時段已少留意其他BLOG,冇睇過過唔到落去,得巴黎有睇,其他不是內容不夠充實,就是不夠長命)

巴黎,有睇過佢的BLOG,知道折讓股的利用價值,有內容,算平白易懂,寫作風格似止凡,現家都有寫

鍾記,冇睇過唔清楚,都有成10年歷史

其他冇睇過冇記憶味皇也介紹不了,能夠生存多年的BLOG,點都會有其過人之處,寫BLOG睇BLOG對投資是有幫助的,投資成功率50%的話,你能夠再提升10%你就已經是大師了,BLOG是很有利用價值的手段,寫比自己睇寫比人睇,那怕只是提高少少經驗值,減少那怕少少重復的教訓,都可以令你早上岸幾年,不過現家多數人都改去雪球寫了

回覆

【再讀鄧小閑】筆者投身股海其中一位啟蒙雅虎網誌博客 (Yahoo Blogger - Banking_Mind) ...... !

發表回覆。

網誌歷程

網誌類別

【再讀鄧小閑】筆者投身股海 其中一位啟蒙雅虎網誌博客 (Yahoo Blogger - Banking_Mind) ...... !

發表回覆。

網誌歷程

網誌類別

【再讀鄧小閑】筆者投身股海其中一位啟蒙雅虎網誌博客 (Yahoo Blogger - Banking_Mind) ...... !